páskafrí framundan.....

það er svo langt síðan ég hef skrifað hér inn að ég var nánast búin að gleyma innskráningarorðunum :) Margt skemmtilegt að gerast þessa dagana og búið að vera skemmtilegt. Vorum í fermingu hjá Línhildi Sif í gær, ljómandi flott og fínt boð. Við fórum í kirkjuna að sjálfsögðu og Unnur Lilja ráðskona með okkur.... gekk ljómandi vel en hún átti nú samt ansi erfitt með að vera kyrr.... enda mikill orkubolti á ferð. Algjör krútta þegar hún kraup með okkur við altarisgöngu og skildi ekkert í því hversvegna hún fékk ekki oblátu og messuvín :) Árni Breki fermist svo á skírdag og þá mætum við að sjálfsögðu aftur til kirkju og í fínt boð. Síðan er stefnan tekin á sveitina á föstudaginn langa og ætluninn er að "vígja" sumarbústaðinn. Við höfum ekki verið í honum áður og er mikil skipulagning þessa daganna til að muna eftir leirtaui, pottum, pönnum, handklæðum, viskustykkjur, borðtuskum o.s.frv. Listinn er orðin verulega langur..... spennó.
Annars gengur allt sinn vanagang. Ég brá mér í smá skreppuferð til Akureyrar einn mánudaginn og þreytti frumraun mína og kannski einu raun sem stundakennari í Háskólanum. Þetta var svipuð upplifun og fara í svaðalegt próf, slíkur og annar eins var kvíðinn fyrir þetta verkefni. Vonandi hefur það gengið vel, amk dó enginn :)

upprifjun

það er nú það, hvar skal byrja?
Jólaundirbúningur er í hefðbundnum farvegi. Búið að baka smákökur, búið að skreyta nema jólatréið, búið að föndra jólakortin reyndar eftir að skrifa á þau en það kemur og búið að kaupa helming af jólagjöfum. Svo er að sjálfsögðu búið að halda árlegt aðventuboð og það fyrsta í þessu húsi. Heppnaðist ágætlega, ekki sáu allir sér fært að mæta sem þýddi umtalsverðir afgangar.... sem bíða þolinmóðir í frosti. Núna um helgina var jólaboð hjá vinnunni hérna hjá okkur. Veisluþjónustan www.kokkarnir.is sáu um veisluföngin sem voru æðisleg og skemmtinefndin sá um að allt væri nú vel skipulagt og skemmtilegt. Unnur Lilja gisti hjá ömmu Dóru og áttu þær huggulega stund saman. Í dag fór Unnur Lilja svo til Sirrýjar og Svans og var svo heppin að þau voru að fara í laufabrauðsútskurðarboð þar sem jólasveinar mættu. Fyrsta skiptið sem Unnur Lilja kemst í tæri við jólasveina og fannst það bara æði :) Við Gestur fórum á frábæra jólatónleika með Björgvini Halldórs og gestum. Páll Óskar, Laddi og Helgi Björns eru þeir sem stóðu upp úr að mínu mati. Páll Óskar er nátturulega bara snillingur. Hreint og klárt. Á morgun fær svo litli stubburinn þeirra Svandísar og Elmars nafn og verður skírður heima hjá ömmu sinni og afa í Lambaselinu. Já nóg um að vera hjá okkur eins og endranær.

Smá upprifjun í lokinn.....

Fyrir 5 árum..
..... fórum við Gestur að búa
..... fæddist Fannar bróðursonur minn
..... útskrifaðist ég sem iðjuþjálfi
..... dó pabbinn hans Gests
..... við Gestur trúlofuðum okkur
..... fæddist Halli bróðursonur Gests

Unnur Lilja orðin 2ja ára

þá er heimasætan orðin 2ja ára!!!!!! merkilegt hvað tíminn líður hratt. Þessi elska hefur afskaplega ákveðnar skoðanir á hlutunum og er mjög sjálfstæð. Í flestum tilvikum er nú samt hægt að tala hana til en ekki er hægt að beita mútum. Við héldum hérna ljómandi fínt afmælisboð fyrir hana síðasta laugardag.
Sunnudaginn sl ætluðum við Gestur til Barcelona í 5 daga en vegna óstöðugs gengis þá ákváðum við að hætta við ferðina út og fórum í staðinn í sumarbústað í Brekkuskógi. Byrjar bæði á B, næstum því eins ha? en alla vega þá fórum við á sunnudagskvöld og komum heim seinnipartinn í dag þriðjudag. Unnur Lilja var heima með ömmu Dóru og skemmtu þær sér konunglega. Við höfðum það huggulegt, Gestur vann og vann og ég gerði ekki neitt nema sofa, sauma bútasaum og horfa á Grey´s Anatomy :) voða næs hjá mér. Náði nú að trufla vinnuna aðeins hjá honum og fá hann til að setjast í heitapottinn með mér og slappa af. Þetta er í fyrsta skiptið síðan við Gestur fórum að búa sem við förum tvö ein í sumarbústað, kominn tími til.

fréttir

Nú er búið að steypa á Nátthaganum fína og góða og líka slá frá veggjunum. Ég komst að því í þeirri vinnu að ég gæti orðið handlangari hjá smið. En hjálpi mér hamingjan hvað mig langar ekki til þess að vinna þessa vinnu dags daglega. Það að slá upp var fínt en omg hvað það var leiðinlegt að slá frá og steypu- og naglhreinsa úfffffffffff var mikið glöð þegar því var lokið. Nú er næsta verkefni að leggja drenlögn meðfram húsinu áður en keyrð verður möl að veggjunum sem er verkefni næstu helgar auk rétta :) Um síðustu helgi vorum við Gestur í Munaðarnesi í okkar margumrædda húsi, svona rétt til að venja það við okkur heheeh og já líka til að losa upp palla og rífa niður skjólveggi fyrir flutning. Alltaf nóg að gera ..... Unnur Lilja fór í sína fyrstu helgarpössun á Skiphyl sem gekk alveg hreint ljómandi vel. Henni var nokk sama um okkur þegar við komum að sækja hana á sunnudaginn og vildi bara vera áfram með Kristjönu. Mjög sjálfstæður og ákveðin einstaklingur!!!!! hvaðan skyldi hún nú hafa það???? mar spyr sig.
Framundan er fullt af skemmtilegu s.s. réttir, flutningur á húsi, Barcelona, iðjuþjálfanemi að koma til mín í GÍ, afmæli hjá Unni Lilju, og síðan koma fljótlega jól.
Síðan bætist alltaf við börnin í veröldinni þó svo að ljósmæður séu að berjast fyrir leiðréttingu launa sinna og fara í verkfall, áfram ljósmæður. Sandra Rún búin að eiga stúlku, Bergþóra tvo stráka og Guðný strák og styttist í að Svandís Rún eigi.

stikkorð

í stikkorðum sl. vikur...
nú er búið að slá upp fyrir sökklum á Nátthaga og áætlað að steypa á laugardaginn næsta... spennó!!! styttist því að hægt verði að flytja húsið vestur.
við vorum afleysingar bændur um síðustu helgi, mamma, pabbi, Kristjana, Sigfús og börn skelltu sér á Landbúnaðarsýninguna á Hellu og skemmtu sér konunglega. Gummi Bjarni var með okkur í sveitinni sem sérlegur vinnumaður og til að passa Unni Lilju.
Unnur Lilja er búin að vera rúma viku í leikskóla og líkar vel amk er ekki grátur og gnístran tanna á morgnana þegar hún fer. En það er afskaplega mikið þreytt ung stúlka sem er sótt í leikskólann í eftirmiðdaginn og ræður engan vegin við sig heima á kvöldinn. Veit ekki alveg hvernig hún á að haga sér vegna þreytu :) það líður jú örugglega hjá eins og allt annað. Við erum strax farin að taka eftir nýjum orðum hjá henni eftir að hún byrjaði í leikskólanum
s.s.
kaggar = krakkar
eppi = epli
nannani = banani

annars fer orðaforði hennar ekki hratt vaxandi, ætlar greinilega að æfa sig aðeins í huganum áður en hún opinberar kunnáttu sína eins apar hún ekki upp orð eftir okkur líkt og mörg börn gera. Afskaplega sjálfstæð persóna :)

sumarfrí

Langt síðan ég hef póstað einhverju hérna inn en allavega þá brugðum við okkur á Landsmót hestamanna á Gaddastaðaflötum og áttum þar indæla helgi. Flottir hestar og hellingur af fólki. Fengum ókeypis tónleika jafnt dag sem nætur :) ....... Eina sem við vorum ekki sátt við var skipulagsleysi á ansi mörgum hlutum og hryllilegt ryk sem barst inn um allt og þá meina ég allt. Húsfrúin er komin í sumarfrí og eru 1/3 búinn af því. Fyrstu helgina í sumarfríi fórum við í Oddsholt og vorum þar í góðu yfirlæti hjá Dóru. Aðsjálfsögðu notaði ég ferðina austur og skrapp aðeinsssss í bútasaumsbúðina Bót á Selfossi, afskaplega nauðsynlegt og nytsamlegt stopp þar. Við Unnur Lilja eyddum svo einum degi í búðarrápi með Kristjönu og fórum svo í sveitina með henni, dvöldum þar í góðu yfirlæti frá mánudagskvöldi fram á fimmtudagsmorgun. Foreldrar mínir ákváðu að drífa sig í verslunarferð í höfuðborgina og þá var auðvitað nauðsynlegt að við Unnur Lilja færum með í það enda búðarvanar eftir ferðina með Kristjönu. Erum svo í gær og í dag búin að vera að dunda okkur heima við tiltekt og garðvinnu og ég laumaðist aðeins í bútasaum, bara oggulítið sko........ Framundnan eru síðan útilegur en ekkert ákveðið hvert og hvenær, amk förum við að Skiphyl á morgun að mæla út og stika fyrir sumarbústað svo hægt sé að fá gröfu til að moka holu fyrir undirstöður.

stutt fréttainnskot

Sumarfrís vikan alveg að taka enda, ótrúlegt hvað hún var fljót að líða. Flest verkefnin sem voru á listanum góða búin :) Það sem er nú best af öllu að allir hafa verið hressir þessa vikuna, ójá get svo svarið það.
Við erum að fara í sveitina á morgun, kusurnar að fara út í fyrsta skipti þetta vorið og spennandi að sjá hvernig Unnur Lilja bregst við þeim hamagangi. Síðan auðvitað árlegt kvennahlaup/ganga og kökuát á laugardaginn mmmmmmmmmmmmmmmmmm. Ljúft. Gestur og Grjetar Andri rifu pallinn um síðustu helgi, hann var grautfúinn, svo sem ekki skrýtið þar sem fyllt hefur verið upp með möl upp að gólfi svo engin loftun hefur verið. Ég er ennþá að safna kjarki og orku til að moka í hjólbörur og smella mölinni kerruna. Held það sé dáldið mikið verk, skrýtið að það gerist ekki bara að sjálfu sér!!!!! Það verður voða huggulegt að fá síðan nýjan pall til að sóla sig á........

Gleðilegt sumar

það er komið sumar og sól í heiði skín, vetur burtu farinn og tilveran er fín..... er þetta ekki ca svona??
Þá er þessi vetur að baki sem betur fer, hann hefur einkennst af endalausum pestum á þessum bæ. Alveg búin að fá feikinóg af slíku. Gestur bauð samkvæmt venju í sviðaveislu í gærkvöldi. 30 manns mættu og nutu þess að borða svið eða lasagne. Svo í dag var Sara Margrét skírð með pompi og prakt. Sem auðvitað þýddi flott kaffiboð í Drangakórnum.
Á morgun er síðan planið að við Unnur Lilja brunum í sveitina, Gestur kemur til með að vera á kafi í vinnu um helgina. Við nennum engan vegin að vera heima hjá honum á meðan.

konudagur

konudagurinn að enda kominn, á mínu heimili hljómaði hann upp á túlípana, góðan kvöldmat og hrein gólf :) Annars var ég í sumarbústað í Ölfusborgum um helgina með Kristjönu systur. Helginni var eytt í rólegheitum og við skrapp. Margar flottar síður litu dagsins ljós og gaman að rifja upp atburðina á myndunum.
Ekki er hægt að segja að það sé mikil skrifgleði hérna á blogginu hjá mér. Hef fengið margar snjallar hugmyndir að bloggi en þær hafa nú horfið ansi skyndilega þegar ég sest við tölvuna.
Við fórum um síðustu helgi vestur á þorrablót í Lindartungu, Unnur Lilja var í miklu dekri hjá Möggu frænku og fjölskyldu á meðan. 2 nóttin sem Unnur Lilja gistir án foreldra sinna utan heimilis, gekk alveg ljómandi vel enda ekki við öðru að búast hún er svoddan engill. Við fórum svo suður og sóttum hana á laugardeginum og brunuðum aftur vestur og komum heim á sunnudagskvöld. Hún fór að sjálfsögðu í fjós og fjárhús og ekki hrædd við dýrinn en sem betur fer aðeins varkár þ.e. æðir ekki að þeim en ég hef lúmskan grun um að þessi varkárni færi fljótlega af ef við færum reglulega í sveitina. Hún er orðin sátt við nýtt heimili, loksins orðin eins og hún á að sér að vera. Ég er viss um að hluti af þessum pirring hennar var að hún fékk 7 jaxla á tveimur vikum, ákkúrat á sama tíma og við vorum að flytja.
Framundan er nóg af verkefnum eins og venjulega, ég er á 4 kvölda glerbræðslunámskeiði hjá Glit, síðan fer nú að líða að fræðsluerindunum sem ég tók að mér að halda, já og það styttist líka í skiladag á 2 blaðagreinum. Alltaf nóg að gera fyrir utan hin daglegu verk og vinnur.
Já og síðast en ekki síst þá fæddist lítil stúlka hjá Svan og Sirrý þann 15. febrúar. Allt gekk ljómandi vel á þeim bænum.

fréttaskeyti

jæja hvað hefur nú gerst markvert síðan húsfrúin settist við skriftir síðast??
aðventuboðið heppnaðist alveg ágætlega. Við hjúin fórum á jólahlaðborð með GÍ um síðustu helgi, mæli með því. Mjög góður matur og frábært show :) Unnur Lilja fékk að gista í sveitinni hjá ömmu, afa og Kristjönu í fyrsta skiptið ein. Gekk ljómandi vel. Gestur fór síðan til Prag á sunnudagsmorgunin og mikið held ég að lítil stúlka verði glöð þegar pabbinn hennar kemur heim á morgun fimmtudag. Við mæðgur drusluðumst svo heim á sunnudagskvöldið þrátt fyrir að ég nennti því engan veginn. Hefði betur bara verið áfram fyrir vestan, því ég er búin að fara einn dag í vinnuna í þessari viku og sýnist á öllu að ég hafi tvo vinnudaga af í þessari viku þ.e. stefni á að mæta á föstudaginn. Unnur Lilja er búin líkt og stór hluti Íslendinga að vera með hósta, hor og hita. Við Gestur erum svo sem líka búin að fá okkar skammt af þessari óþverapest. Ég er t.d. búin að vinna eina heila vinnuviku síðan 2.nóv og ó mæ god hvað það hljómar ekki vel........ Við eigum svo bókað á jólahlaðborð og gistingu á Hótel Rangá á föstudagskvöld, voandi að ungfrúin verði orðin eitthvað hressari. Fór með hana til doksa í dag og komum við heim með púst og sýklalyf :) sem betur fór dreif ég mig með hana því Gestur fór með hana til barnalæknis í síðustu viku og sá læknir hafði meiri áhuga á offitu Gests heldur en að skoða barnið.
Jólin nálgast óðfluga eins og á hverju ári sem er bara æði nema hvað ég hef aldrei á ævinni verið svona sein með allt, ekki búin að kaupa jólagjafir nema að litlu leyti ekki búa til jólakort o.s.frv. En þetta reddast allt :)

afmæli

fín helgi að baki. Héldum upp á afmælið hennar Unnar Lilju á laugardaginn, buðum fjölskyldum okkar í kökuboð sem heppnaðist með ágætum. Unnur var hálf feimin þegar allir voru mættir, ekki vön að vera innan um svona marga og það allra síst heima hjá sér. Feimnin leið nú fljótt hjá og hún farin að leika sér. Fékk fullt af fínum gjöfum, takk takk allir. Hún valdi sér afmælisboðsdaginn til að fara að labba!!!! ójá hún er farin að ganga, fer hægt og rólega yfir amk ennþá. Átti nú ekki von á því að hún færi rólega þar sem hún er svoddan glanni. Við Gestur gáfum henni sparkbíl í afmælisgjöf sem er nú ekki í frásögur færandi. Eitt kvöldið var ungfrúin búin að príla upp í sætið á bílnum, stóð þar á höndum og fótum þannig að rassinn var efsti punktur. Mér stóð nú ekki alveg á sama þar sem bílinn var ekki alveg kyrr og ef hún hefði dottið a höfuðið þá hefði hún lent á glerhurð. En þetta reddaðist allt og við Jóhanna komnar með eðlilegan hjartslátt aftur :) Unnur Lilja er í því sem sagt þessa dagana að æfa sig að klifra upp á hluti og aðsjálfsögðu skiptir ekki máli hversu traustur hluturinn er. Sem betur fer drífur hún ekki ennþá ein upp í sófa eða uppá stóla, verður nú örugglega stutt þangað til. Gaman að fylgjast með henni brasa. Annars gengur lífið sinn vanagang hjá okkur. Aðlögun hjá dagmömmunni heldur áfram, Unnur Lilja grætur sárt þegar ég skil hana eftir á morgnana en það líður fljótt hjá og hún leikur sér glöð við krakkana. Í dag var fyrsti dagurinn sem hún var fram yfir hádegismat og lúr. Var gjörsamlega búin á því þegar pabbi hennar sótti hana kl 15 og því frekar stúrin hérna heima, þessi elska. Hún verður fljót að jafna sig.

En jæja best að hætta þessum skrifum og drífa sig út og hlusta á Helga Jónsson gigtarlækni tala um slitgigt.

1 árs afmæli.

Hún á afmæli í dag, hún á afmæli í dag, hún á afmæli hún Unnur Lilja, hún á afmæli í dag. Til hamingju með daginn litla mús. Ótrúlegt en satt, eitt ár liðið síðan hún kom í heiminn. Ég er ekki alveg að fatta það.

Unnur Lilja er byrjuð hjá dagmömmunni, loksins. Gengur ágætlega amk ennþá, er ekki nema 2 tíma á dag. Alveg feikinóg fyrir prinsessu sem hefur bara verið í pössun hjá ættingjum sem hún þekkir vel.

klukk

ég var klukkuð af Áslaugu, svo nú er að standa sig!!!!!!



8 staðreyndir um sjálfa mig :)



1. afskaplega óþolinmóð

2. elska að sofa lengi á morgnana

3. verð mjög geðstirð ef ég verð svöng, segi eins og Áslaug að dóttir mín hefur erft þennan "eiginleika", veit nú ekki hve mikill kostur það er hins vegar.

4. á auðvelt með að dunda mér við bútasaum

5. elska að liggja og lesa góða bók

6. er mikil sveitakerla í mér

7. langar í nýjan góðan reiðhest

8. á litla prinsessu sem er að verða 1. árs eftir nokkra daga.



klukka hér með: Sirrý frænku, Árna baunverja, Björk Ölvers, Sonju, Millu, Stínu fínu.



En að öðru. Réttirnar búnar þetta árið. Ég fór meira að segja á hesti í réttirnar, reiknaði ekki með því þetta árið. Helga frænka og Arnar redduðu mér hestum svo þetta gekk upp. Unnur Lilja var eins og herforingi í réttunum ekki vitund hrædd við dýrin. Mesta óhamingjan var að fá ekki að skríða á jörðinni inn á milli kindana. Annars var skítaveður, fyrst snjófjúk, svo slydda, síðan rok og rigning. En að sjálfsögðu skemmtilegt eins og alltaf. Heimtur voru ekki mjög góðar, svo mar tali nú smá sveitamál :)

Það styttist óðfluga í að heimasætan verði 1 árs!!!! sagt og skrifað eins árs!!! mikið er þetta fyrsta ár í lífi hennar búið að líða hratt, þrátt fyrir allskonar byrjunarörðuleika hehehe eins og örugglega gerist hjá öllum nýbökuðum foreldrum sem eru að læra á ný hlutverk. Daman er farin að ganga með öllu og ekki langt í að hún geti sleppt sér og stokkið af stað. Átti að byrja hjá dagmömmunni á mánudaginn en það frestast um viku, þar sem dagmömmunni gengur illa að "losna" við börnin sem eru á leið í leikskóla.

hér og þar

alltaf nóg að gera á bænum en blogglægð í gangi svo fréttaflutningur er í lágmarki. Við erum voða glöð með góða veðrið :) eins og langflestir Íslendingar. Lentum einmitt í umferðarteppu síðasta sunnudagskvöld á leið í bæinn. Fórum seint af stað eins og venjulega, (eigum eitthvað erfitt með að koma okkur afstað) og sleppum því venjulega við alla umferðateppu nema í þetta sinn. Vorum í bílaröð frá þorpinu á Kjalarnesinu og inn í Mosó, hámarksumferðarhraði í lestinni var 30 km á klst, yndislegt, er nefnilega svo þolinmóð í umferðinni :) já sem og allstaðar :)

Vorum á ættarmóti um síðustu helgi hjá móðurmóðurfólki mínu, alveg ljómandi hreint. Ég er nú ekki mikið fyrir svona samkomur en þessi var bara mjög skemmtileg. Farið var á æskuslóðir ömmu og systkina hennar og þau rifjuðu upp prakkarastrik sín og sögðu frá staðarháttum. Síðan var farið í Lindartungu þar sem í leiki, grillaður snilldar matur og skoðaðar myndir af ættingjum. Doldið sniðugt, ættarmótsnefndinni datt það í hug að safna saman myndum af öllum þessum hóp og síðan var "sögumaður" sem sagði hver var hvað. Ljómandi fín leið til að fatta hver á hvern. Ég sit síðan í súpunni fyrir næsta mót sem áætlað er eftir 3 ár, mér var nefnilega smellt í nefnd. Sem betur fer eru tvær kjarnakonur með mér í því stússi.

16. júní var svo að sjálfsögðu farið í kvennahlaup samkvæmt venju og síðan í þetta fína hnallþóruboð til Helgu frænku. Fyrsta "hlaupið" hennar Unnar Lilju sem svaf vært í kerrunni sinni meðan múttan þrammaði létt á fæti.

um kvöldið var svo brunað í útskriftarveislu til Bylgju hjúkrunarfræðings sem var að halda upp á útskrift sína úr Heilbrigðisdeild Háskólans á Akureyri. Unnur Lilja partýljón fékk að koma með í boðið en fór síðan í pössun til Jóhönnu. Ekki sýndi hún sínar bestu hliðar þar og ég sótti hana eftir ca klukkutíma, þá var heimilisfólkið á Suðurgötunni búið að fá feikinóg af ljónaöskri :) sofnaði síðan um leið og við lögðum af stað að Skiphyl.

Af Unni er það helst að frétta að hún skoppar útum allt, beitir rass/fóta/handa tækni við að komast áfram og ná að skoða sem mest á skömmum tíma. Við erum svo heppinn að Línhildur kemur eftir hádegið flesta virka daga og er að passa frökenina. Gengur svona ljómandi vel, Unnur voða glöð að fá óskipta athygli einhvers á meðan pabbinn sinnir vinnunni. Fínt fyrirkomulag fyrir alla.

Það styttist óðfluga í sumarfrí. Iðjuþjálfunin hjá GÍ lokar 16. júlí og opnar aftur 7. ágúst, þá ætla ég að vinna í tvær vikur og fara síðan aftur í frí. Ætlar fjölskyldan í hjallanum að leggja flugvél undir fót og fljúga til Frankfurt og keyra til Prag með einhverjum útúrdúrum og krókum, dvelja í góðu yfirlæti hjá Leif og Marký í Prag. Spennó.