sumarfrí og fleira

sumarfríið farið að styttast í annan endan og við tekur vinna í 9 virka daga og svo 2ja vikna frí. Þetta er búið að vera alveg ljómandi gott frí. Eins og áður hefur verið ritað fórum við í 2ja daga rúnt um suðurlandið í góðum hópi. Smelltum okkur svo í 4 daga ferðalag með mömmu og pabba á Vestfirði. Gistum fyrstu nóttina á tjaldsvæðinu á Álftalandi á Reykhólum, mæli með því, aðstaðan til fyrirmyndar. Hef aldrei komið þarna áður og varð heilluð af náttúrufegurðinni. Héldum síðan áfram vestur og gistum næstu nótt í Litla Vatnsnesi, fundum pínulítin flöt sem passaði ákkúrat fyrir eitt tjald og svo kjörið bílastæði fyrir húsbílin hjá ma og pa. Mikið svaðalega fannst með fjallvegirnir vera háir og brattir þarna :/ og skilst m.e.a.s. að þeir séu nú ekki svo svaðalegir þarna. Síðustu nóttina vorum við á Brjánslæk. Um tíma leit út fyrir að við yrðum að sofa í bílnum, þvílíkt og annað eins rok þegar við vorum að tjalda. Héldum að tjaldið færi út í buskan og við með, nú þá hefðum við líklega sloppið við að sofa í bílnum ekki satt???? fórum í sund í pínulítilli laug Birkimel, skoðuðum fjöruna við Rauðsdal (minnir amk að það heiti það) og áttum náðugan dag. Fórum með Baldri yfir Breiðafjörð, mæli með því. Frábært að sigla þarna yfir og sjá allar eyjurnar. Unni Lilju fannst ekki eins frábært að fara með skipinu, varð litið eitt sjóveik og ældi ofan í hálsmálið hjá mér mmmmmmmm æði eða þannig. Vorum svo í 4 daga í sveitinni, dunduðum okkur í garðvinnu í Nátthaga ja aðallega Gestur. Ég fór í verslunarleiðangur með mömmu og Kristjönu þar sem þræddar voru nauðsynlegustu verslanir og helstu nauðsynjar keyptar eins og gefur að skilja. Erum búin að vera hérna heima síðan á sunnudagskvöld. Ég er að hamast við að afgreiða allskonar verkefni sem ég asnaðist til að setja á todooooooo lista. Meiri vitleysan að gera svoleis...... húffffff. Ótrúlegt hvað mar er duglegur að setja sumt á hold og nenna engan vegin að framkvæma. Sbr að sækja um ný vegabréf, nokkuð ljóst að það verða að vera komin ný vegabréf í hús fyrir 18. ágúst. Jebbbbbss það styttist í utanlandsferð. Svo erum við að fara í brúðkaup 12. ágúst, verður án efa æðislegt :) svo þarf að fara að tékka á hvernær Unnur kemst að hjá dagmúttunni.... já alltaf nóg að gera!!!!!!!

sumarfrí

stutt stopp heima, áður en við höldum í sveitina seinnipartinn í dag. Við komum heim í gærkvöldi eftir 2ja daga þvæling um Suðurland. Ágætistúr það, fórum að Gullfossi og Geysi eins og sönnum túristum sæmir, gistum í Oddsholti og fórum svo á Selfoss. Þar fóru karlarnir í "dótabúð" þ.e. að skoða vinnuvélar en við betri helmingarnir fórum í bútasaumsbúð, handavinnubúð og í antikbúð, allt saman afskaplega bráðnauðsynlegt. Fórum svo á Stokkseyri, skoðuðum Veiðisafnið, keyrðum í gegnum Eyrarbakka og Þorlákshöfn. Eftir að vera búin að fara í gegnum þessi litlu sveitafélög nokkrum sinnum þá myndi ég frekar vilja búa á Eyrarbakka eða Stokkseyri, frekar en í Þorlákshöfn. Fórum svo í gegnum Krísuvíkursvæðið, stoppuðum við Seltún og skoðuðum hverasvæðið þar, svo áfram meðfram Kleifarvatni og þaðan heim. Næsta plan er að fara í sveitina í kvöld, huga að gróðri á lóðinni okkar og fara síðan aftur í ferðalag þegar pa er búin að laga húsbílinn. Verðum að vera komin heim á fimmtudag vegna læknastúss á karlinum.
Unnur Lilja virðist vera búin að jafna sig á veikindum síðustu helgar. Við fórum með hana aftur til læknis vegna útbrota og niðurgangs, héldum að hún væri með lyfjaofnæmi. Hún fékk pensilinskammt vegna eyrnabólgu á sunnudaginn, þegar við fórum svo aftur með hana kom í ljós að hún var með mislingabróður og hafði ekki fengið eyrnabólgu, sem útskýrir vel þennan rosalega hita sem hún fékk aðfaranótt sunnudags og var með á sunnudaginn líka. Hún er ljónkát eins og hún er venjulega, stendur upp við alla mögulega og ómögulega hluti, skoppar um á rassinum og skoðar heiminn af mikilli forvitini. Gaman að fylgjast með henni brasa.

sumarfrí

Dagur 1 í sumarfríi :) ljómandi huggulegt, sól og sumarylur utandyra. Við mæðgur höldum okkur nú samt innandyra í dag amk. Einkadóttirin með eyrnabólgu, mjög veik í fyrri nótt og í gær, eiturhress í dag. Planið var að bruna afstað í kvöld í ferðalag um suðurlandið með mömmu, pabba, Helgu, Ásbirni og Guðrúnu Söru, eitthvað raskast það skipulag. Getum vonandi elt þau uppi einhvern næstu daga, þ.e. ef þau komast af stað, eitthvað bras með húsbílinn hjá ma og pa.
Vorum í sumarbústaðnum í Grímsnesi um helgina ásamt fullt af fólki, líf og fjör þar. Annars gengur lífið sinn vanagang og ekkert markvert að frétta.

enn af flakki fjölskyldunnar.... vorum að koma heim úr sumarbústaðnum í Grímsnesi. Fórum þangað í gær í afmælisboð til Línhildar, vorum þar í nótt, voða huggulegt. Skruppum svo smá sveitarúnt að skoða búskaparhætti á suðurlandi og kíktum við á Draugasetrinu á Stokkseyri. Ekki fannst Unni Lilju það skemmtilegt safn, dimmt og drungalegt. Ég hélt þetta væri miklu meira spúkí og skemmtilegt. En amk búin að labba hring í þarna. Fengum okkur svo humar á veitingahúsinu "Við fjöruborðið". Oft hefur hann nú verið betri, kokkurinn hefur örugglega gleymt humrinum á eldavélinni og sett amk einn stauk af grófmöluðum pipar yfir. Varð fyrir miklum vonbrigðum, hef hingað til fengið góðan humar þarna. Svo var brunað í bæinn til þess að vera nú ÖRUGGLEGA á undan aðalumferðinni seinnipartinn. Komum heim um 5 og sluppum við hægakstur yfir heiðina.