saga útlaga

þá er sumarfríið á enda að þessu sinni og ég búin að vinna alveg heila 4 daga (sem er frekar erfitt sko). Síðasti vinnudagur var 10. júlí og þann dag var brunað í Munaðarnes þar sem fjölskylda Gests ákvað að dvelja þá helgina. Við fengum þvílíka bongóblíðu að það hálfa hefði verið nóg. Ljómandi leikvöllur var á svæðinu sem ungfrúin hafði mikið gaman af. Þaðan var farið í Nátthaga, Gestur þurfti að fara til Reykjavikur en við Unnur vorum þar að undirbúa næsta ferðalag sem var á Suðurlandið með mömmu og pabba. Á miðvikudegi var haldið af stað og dvöldum við fyrstu nóttina á Þingvöllum. Frá Þingvöllum var farið áfram suður á bóginn, Laugarvatnshellir skoðaður merkilegt að þar skuli hafa verið búið á síðustu öld. Áfram var haldið og keyrðum hverfishringinn framhjá Berjanesi, þar sem afi og amma Gests bjuggu. Þaðan fórum við í Vík í Mýrdal þar sem við vorum í 2 nætur. Skoðuðum það fjöruna, dáðumst af þeim sem keyrðu upp á fjallið fyrir ofan Vík, án efa dásamlegt útsýni en ég er ekki viss um að ég hefði komist heil upp og hvað þá niður aftur og þó amk hefði ég getað labbað niður. Fórum inn í Þakgil og þangað langar mig aftur og þá með tjaldvagninn með og dveljast þar í nokkra dag. Hrikalega fallegt þar. Komum við á Akri en þangað hef ég aldrei komið, gott að heimasækja þau hjón Önnu og Árna. Ætluðum síðan upp Landsveit og niður Þjórsárdal, lögðum afstað upp Landsveitina en lentum í þvílíku úrhelli, þrumum og eldingum svo við snérum við, fórum að Flúðum og þaðan niður á Eyrarbakka. Krúttulegt tjaldstæðið þar. Síðan aftur brunað í sveitina nema Gestur sem fór að vinna í Reykjavík. Næsta ferðalag var með Capteinsgenginu um mela og móa, fjörur og fjöll. Ég tók kellingarhátt á þetta og fór bara 5 af 8 dögum. 5 góðir dagar. Fallegar fjörurnar og þá sérstaklega við gullinn sandur við Gaul. Restina af fríinu dvöldum við í Nátthaga, fórum í afleggjarapartý og síðan í stórglæsilegt 50 ára afmæli hjá Steinku að Sveitasetri hennar í landi Skiphyls. Gott frí en eins og venjulega var ekki hægt að gera allt sem var á dagskránni :) sem þá bíður betri tíma.

3 mánaða hlé

síðast var skrifað hér inn 6. apríl, er þá ekki við hæfi að skrifa í dag 6. júlí??? ekki er hægt að segja að við séum búin að vera í einhverri lognmollu frekar en venjulega. Við höfum farið og dvalið í Nátthaga (eða brúna húsið eins og Unnur Lilja kallar Nátthaga) flestar helgar síðan um páska. Afskaplega ljúft að eiga sér athvarf utan borgarinnar. Um hvítasunnuhelgina var síðan plægt niður kaldavatnsleiðsla og grafinn niður rotþró og frárennsi, þannig að nú vantar bara rafmagn sem bíður betri tíma vegna gífurlegs kostnaðar. Voða gott að fá vatn og wc. Svo að sjálfsögðu fer síðan mikill tími í gróður :) Sauðburður kom og fór rétt eins og venjulega og kom Unnur Lilja út í stórgróða eftir hann, Kristjana gaf henni fallega svarflekkótta tvílembu. Ennnnnnn mínar ær geldar.... skil ekki þessa óheppni. Þegar við Bjössi vorum yngri þá voru það frekar hans ær sem voru geldar, misstu eða hreinlega drápust á meðan mínar voru í góðum málum þannig að eitthvað hefur gæfa mín snúist við. Búið að járna og ég búin að fara alveg þrisvar á hestbak. Held ég þurfi nú að æfa mig aðeins meira fyrir hestaferðina sem er framundan með Capteinum. Við búin að fara og vera í Sommerhallen með tengdafjölskyldunni eina helgi þar sem brjáluð blíða var. Gistum við í tjaldvagninum Unni Lilju til mikillar ánægju. Fannst þetta ekki neitt smá sport og mundi ekkert eftir að hafa verið í vagninum sl. sumar frekar en í Sommerhallen í Grímsnesinu. Framundan er svo sumarfrí, einungis 4 vinnudagar eftir. Í sumarfríi er á dagskránni að fara í Laufás til Bolla og fjölskyldu, hestaferð um Snæfellsnes, útilegu í Þakgil og viðar um Suðurland og að sjálfsögðu að vera í Nátthaga......

sumarfrí

Við erum komin heim eftir tæpa viku í útilegu. Í stuttu máli sagt þá var þetta alveg ljómandi, sól og blíða alla daga.
Í löngu máli þá var ferðin okkar þannig:
Föstudagur 25. júlí: lagt af stað úr bænum frekar seint og því komið seint í náttstað í Lauftúni í Skagafirði. Hittum þar Hrafnhildi, Axel og Eðvarð. Lítið annað gert en að opna tjaldvagninn og koma öllu fyrir og svo auðvitað spjalla smá.
Laugardagur 26. júlí: Sváfum afskaplega vel um nóttina þrátt fyrir smá rigningu um nóttina og síðan rok. Keyrðum út Kjálka og síðan til baka í Varmahlíð og svo aftur af stað upp að Merkigili. Áætlað var að fara bæði að Merkigili og að Ábæjarkirkju. Mig þ.e. Guðbjörgu skorti kjark til að fara yfir ótraustvekjandi brú svo við fórum ekki að Ábæjarkirkju og sáum bara Merkigilsbæinn yfir gilið. Gönguhetjurnar okkar Hrafnhildur, Axel og Eðvarð gengu fram að Ábæjarkirkju sem reyndist vera heldur lengra en þau héldu. En öll komu þau til baka og kvöldið endaði með góðum grillmat og spjalli. Á meðan þau fóru í gönguferð þá fórum við í heimsókn til Steinku og Sæmundar í bústað í Varmahlíð. Unnur Lilja fór í heitapottin með Björk Dögun og Emilíu Önnu og skemmti sér konunglega meðan við hin sátum og spjölluðum.
Sunnudagur 27. júlí: Tjaldvagninum pakkað saman eftir tvær nætur í Lauftúni. Hrafnhildur, Axel og Eðvarð héldu af stað að Finnastöðum til foreldra Axels en við héldum í átt að Sauðárkrók og hittum þar mömmu, pabba, Helgu, Ásbjörn og Guðrúnu Söru. Fórum með þeim út í Glerhallavík og að Grettislaug, fínn göngutúr í fjörunni og nesti á eftir. Gæti ekki verið betra. Gistum síðan við sumarbústaðin þar sem Helga og co voru. Enn ein grillveislan :) Unnur Lilja var mjög glöð að fá að hreyfa sig og fara í fótbolta við Guðrúnu Söru og Ásbjörn. Annars er hún afskaplega góð og auðvelt að ferðast með henni.
Mánudagur 28. júlí: Keyrðum fyrir Tröllaskaga. Stoppuðum á Hofsósi og skoðuðum Vesturfarasetrið. Ótrúlegar hörmungar sem fólk þurfti að ganga í gegnum bæði hér á Íslandi og líka þeir sem ákváðu að flytja til Vesturheims. Næsta stopp var á Siglufirði, fallegur bær með snjóflóðavarnir upp um öll fjöll. Skil vel að íbúar Siglufjarðar vilji fá göng yfir til Ólafsfjarðar, bætir samgöngur heilan helling. Fórum í krúttlegt gallerý þar sem fjórar heldri konur mála á postulín, bræða gler ofl og selja. Þarf vart að taka fram að ég fór heim með salt og piparbauka með mér. Vorum þarna í bongóblíðu og því erfitt að setjast inn í bíl og halda áfram. Keyrðum yfir Lágheiði að Ólafsfirði, þar var nú bara keyrt í gegn þar sem við höfðum öll komið þangað. Við tjölduðum á Dalvík ásamt ma og pa en Helga og co héldu áfram i sumarbústaðinn i Skagafirði. Voða næs og rólegt á tjaldstæðinu. Unnur Lilja fór á kostum, húsbíllinn mátti ekki opnast þá var hún kom inn í hann, í bílstjórasætið, lagði öryggisbeltið yfir öxlina og hélt á rúntinn.... algjör snilld.
Þriðjudagur 29. júlí: Fórum inn á Akureyri í verslunarleiðangur og að sjálfsögðu var farið í Bakaríið við Brúnna og snætt :) Fórum svo í Jólagarðinn í Eyjafirði, mér finnst alltaf svo gaman að koma þar. Unnur Lilja var eins og óður apaköttur þar inni svo margt að sjá og skoða sem ekki má snerta. Áfram var haldið við fórum í Laufás og skoðuðum þar en ma og pa fóru aftur inn á Akureyri. Hittumst svo á Illugastöðum í bústað hjá Lillu, Jonna, Raggý og Bóa þar sem okkur var boðið í grill. Ljúffengur matur og góðir drykkir voru í boði þar. Gistum síðan þar á gesta tjaldstæði. Besti tjaldstaðurinn í ferðinni, því við vorum alveg upp við há tré sem skýldu okkur fyrir morgunsólinni svo það varð aldrei óbærilega heitt eins og hina morgnana.
Miðvikudagur 30. júlí: Fórum í safnasafnið í Eyjafirði, alveg magnað að koma þangað. Mæli með að fólk stoppi þar og skoði. Fórum svo á Greifann í síðbúinn hádegisverð og röltum svo um í göngugötunni og skoðuðum í búðir. Á Akureyri skyldust leiðir ma og pa stefndu á Smámunasafnið en við brunuðum í Varmahlíð til Steinku og fjölsk. þar var mikið líf og fjör eins og búast má við þegar 7 krakkar eru í sama húsinu. Áttum þar góða kvöldstund og gistum þar í garðinum.
Fimmtudagur 31. júlí: Héldum heim á leið yfir Kjöl. Gestur hafði aldrei farið þar yfir áður en ég og mín eðal Toyota höfðum farið amk x3 yfir. Komum við á Hveravöllum og fengum okkur nesti. Vonuðumst til að hitta Ásgeir þar, en hann er í hálendisgæslu ásamt fleirum úr Björgunarsveitinni Brák. Björgunarsveitin var fjarverandi svo við misstum af þeim en mættum þeim síðan við Bláfell á fljúgandi ferð. Vegurinn yfir Kjöl er hrikalega harður og frekar eins og þvottabretti en eitthvað annað, þvílík sæla að komast á malbikið. Komum við í Oddsholti og ætluðum að hitta á Ömmu Dóru þar en þar var enginn svo við héldum bara áfram.

Mikið gott að komast heim og takast á við heilt fjall af óhreinum þvotti eftir ferðalagið. Vinnan byrjar svo aftur á þriðjudaginn svo það er eins gott að nota þennan síðasta dag vel!!!!!
Búin að setja inn myndir úr fríinu á myndasíðuna okkar.

sumarfrí

Langt síðan ég hef póstað einhverju hérna inn en allavega þá brugðum við okkur á Landsmót hestamanna á Gaddastaðaflötum og áttum þar indæla helgi. Flottir hestar og hellingur af fólki. Fengum ókeypis tónleika jafnt dag sem nætur :) ....... Eina sem við vorum ekki sátt við var skipulagsleysi á ansi mörgum hlutum og hryllilegt ryk sem barst inn um allt og þá meina ég allt. Húsfrúin er komin í sumarfrí og eru 1/3 búinn af því. Fyrstu helgina í sumarfríi fórum við í Oddsholt og vorum þar í góðu yfirlæti hjá Dóru. Aðsjálfsögðu notaði ég ferðina austur og skrapp aðeinsssss í bútasaumsbúðina Bót á Selfossi, afskaplega nauðsynlegt og nytsamlegt stopp þar. Við Unnur Lilja eyddum svo einum degi í búðarrápi með Kristjönu og fórum svo í sveitina með henni, dvöldum þar í góðu yfirlæti frá mánudagskvöldi fram á fimmtudagsmorgun. Foreldrar mínir ákváðu að drífa sig í verslunarferð í höfuðborgina og þá var auðvitað nauðsynlegt að við Unnur Lilja færum með í það enda búðarvanar eftir ferðina með Kristjönu. Erum svo í gær og í dag búin að vera að dunda okkur heima við tiltekt og garðvinnu og ég laumaðist aðeins í bútasaum, bara oggulítið sko........ Framundnan eru síðan útilegur en ekkert ákveðið hvert og hvenær, amk förum við að Skiphyl á morgun að mæla út og stika fyrir sumarbústað svo hægt sé að fá gröfu til að moka holu fyrir undirstöður.

sumarfrí og fleira

sumarfríið farið að styttast í annan endan og við tekur vinna í 9 virka daga og svo 2ja vikna frí. Þetta er búið að vera alveg ljómandi gott frí. Eins og áður hefur verið ritað fórum við í 2ja daga rúnt um suðurlandið í góðum hópi. Smelltum okkur svo í 4 daga ferðalag með mömmu og pabba á Vestfirði. Gistum fyrstu nóttina á tjaldsvæðinu á Álftalandi á Reykhólum, mæli með því, aðstaðan til fyrirmyndar. Hef aldrei komið þarna áður og varð heilluð af náttúrufegurðinni. Héldum síðan áfram vestur og gistum næstu nótt í Litla Vatnsnesi, fundum pínulítin flöt sem passaði ákkúrat fyrir eitt tjald og svo kjörið bílastæði fyrir húsbílin hjá ma og pa. Mikið svaðalega fannst með fjallvegirnir vera háir og brattir þarna :/ og skilst m.e.a.s. að þeir séu nú ekki svo svaðalegir þarna. Síðustu nóttina vorum við á Brjánslæk. Um tíma leit út fyrir að við yrðum að sofa í bílnum, þvílíkt og annað eins rok þegar við vorum að tjalda. Héldum að tjaldið færi út í buskan og við með, nú þá hefðum við líklega sloppið við að sofa í bílnum ekki satt???? fórum í sund í pínulítilli laug Birkimel, skoðuðum fjöruna við Rauðsdal (minnir amk að það heiti það) og áttum náðugan dag. Fórum með Baldri yfir Breiðafjörð, mæli með því. Frábært að sigla þarna yfir og sjá allar eyjurnar. Unni Lilju fannst ekki eins frábært að fara með skipinu, varð litið eitt sjóveik og ældi ofan í hálsmálið hjá mér mmmmmmmm æði eða þannig. Vorum svo í 4 daga í sveitinni, dunduðum okkur í garðvinnu í Nátthaga ja aðallega Gestur. Ég fór í verslunarleiðangur með mömmu og Kristjönu þar sem þræddar voru nauðsynlegustu verslanir og helstu nauðsynjar keyptar eins og gefur að skilja. Erum búin að vera hérna heima síðan á sunnudagskvöld. Ég er að hamast við að afgreiða allskonar verkefni sem ég asnaðist til að setja á todooooooo lista. Meiri vitleysan að gera svoleis...... húffffff. Ótrúlegt hvað mar er duglegur að setja sumt á hold og nenna engan vegin að framkvæma. Sbr að sækja um ný vegabréf, nokkuð ljóst að það verða að vera komin ný vegabréf í hús fyrir 18. ágúst. Jebbbbbss það styttist í utanlandsferð. Svo erum við að fara í brúðkaup 12. ágúst, verður án efa æðislegt :) svo þarf að fara að tékka á hvernær Unnur kemst að hjá dagmúttunni.... já alltaf nóg að gera!!!!!!!