3 mánaða hlé

síðast var skrifað hér inn 6. apríl, er þá ekki við hæfi að skrifa í dag 6. júlí??? ekki er hægt að segja að við séum búin að vera í einhverri lognmollu frekar en venjulega. Við höfum farið og dvalið í Nátthaga (eða brúna húsið eins og Unnur Lilja kallar Nátthaga) flestar helgar síðan um páska. Afskaplega ljúft að eiga sér athvarf utan borgarinnar. Um hvítasunnuhelgina var síðan plægt niður kaldavatnsleiðsla og grafinn niður rotþró og frárennsi, þannig að nú vantar bara rafmagn sem bíður betri tíma vegna gífurlegs kostnaðar. Voða gott að fá vatn og wc. Svo að sjálfsögðu fer síðan mikill tími í gróður :) Sauðburður kom og fór rétt eins og venjulega og kom Unnur Lilja út í stórgróða eftir hann, Kristjana gaf henni fallega svarflekkótta tvílembu. Ennnnnnn mínar ær geldar.... skil ekki þessa óheppni. Þegar við Bjössi vorum yngri þá voru það frekar hans ær sem voru geldar, misstu eða hreinlega drápust á meðan mínar voru í góðum málum þannig að eitthvað hefur gæfa mín snúist við. Búið að járna og ég búin að fara alveg þrisvar á hestbak. Held ég þurfi nú að æfa mig aðeins meira fyrir hestaferðina sem er framundan með Capteinum. Við búin að fara og vera í Sommerhallen með tengdafjölskyldunni eina helgi þar sem brjáluð blíða var. Gistum við í tjaldvagninum Unni Lilju til mikillar ánægju. Fannst þetta ekki neitt smá sport og mundi ekkert eftir að hafa verið í vagninum sl. sumar frekar en í Sommerhallen í Grímsnesinu. Framundan er svo sumarfrí, einungis 4 vinnudagar eftir. Í sumarfríi er á dagskránni að fara í Laufás til Bolla og fjölskyldu, hestaferð um Snæfellsnes, útilegu í Þakgil og viðar um Suðurland og að sjálfsögðu að vera í Nátthaga......

páskafrí framundan.....

það er svo langt síðan ég hef skrifað hér inn að ég var nánast búin að gleyma innskráningarorðunum :) Margt skemmtilegt að gerast þessa dagana og búið að vera skemmtilegt. Vorum í fermingu hjá Línhildi Sif í gær, ljómandi flott og fínt boð. Við fórum í kirkjuna að sjálfsögðu og Unnur Lilja ráðskona með okkur.... gekk ljómandi vel en hún átti nú samt ansi erfitt með að vera kyrr.... enda mikill orkubolti á ferð. Algjör krútta þegar hún kraup með okkur við altarisgöngu og skildi ekkert í því hversvegna hún fékk ekki oblátu og messuvín :) Árni Breki fermist svo á skírdag og þá mætum við að sjálfsögðu aftur til kirkju og í fínt boð. Síðan er stefnan tekin á sveitina á föstudaginn langa og ætluninn er að "vígja" sumarbústaðinn. Við höfum ekki verið í honum áður og er mikil skipulagning þessa daganna til að muna eftir leirtaui, pottum, pönnum, handklæðum, viskustykkjur, borðtuskum o.s.frv. Listinn er orðin verulega langur..... spennó.
Annars gengur allt sinn vanagang. Ég brá mér í smá skreppuferð til Akureyrar einn mánudaginn og þreytti frumraun mína og kannski einu raun sem stundakennari í Háskólanum. Þetta var svipuð upplifun og fara í svaðalegt próf, slíkur og annar eins var kvíðinn fyrir þetta verkefni. Vonandi hefur það gengið vel, amk dó enginn :)

athyglin er eins og sólin, allt sem hún beinist að vex

Það er ansi langt síðan síðast var "postað" hérna inn. Allir hressir og kátir íselinu, Unnur Lilja blómstrar í leikskólanum og finnst hann sko æði. Hleypur á harðaspretti inn á morgnana með bros á vör. Við Gestur smelltum okkur á þorrablót í Lindartungu í byrjun feb og skemmtum okkur konunglega. Góður matur og góðir drykkir í góðum félagsskap. Eitthvað var líðan fólks mismunandi þegar líða tók á nóttina, ja eða svona undir morgun já og einhver vanlíðan á laugardegi. Nefnum nú engin nöfn í því samhengi. Unnur Lilja var í dekri hjá Steinku og Sæmundi í Borgarnesi á meðan foreldrarnir skemmtu sér.
Húsfrúin fór í orlof eina helgi með systur sinni. Fengu þær bústað á "leigu" og var meiningin að dvelja þar og skrappa eins og engin væri morgundagurinn. Við fórum í bústaðin jújú og elduðum okkur gómsætan mat og settumst svo við skrapp. Ennnnnn eftir því sem á leið minnkaði kalda vatnið og á endanum var ekkert vatn.... nú voru góð ráð rándýr. Sigfús var ræstur út í leit að vatni eftir að Kristjana vann hetjudáð við að fara inn í þröngan og dimman skúr að ath með dæluna. Niðurstaða málsins var ekkert vatn og voru það tvær systur þungar á brún sem pökkuðu saman og fóru heim í sveitina. Steinka rétt náði að kíkja í heimsókn áður en við pökkuðum saman. Já alltaf ævintýri hjá okkur systrum. En helgin var ljómandi fín og talsvert skrappað í "sumarbústað" sem var stofan hjá mömmu og pabba. Verður bara enn betra á næsta ári. Svo var brunað í sveitina aftur núna um helgina sem var ljómandi fínt. Yfirlýst markmið hjá mér var að lesa um gigtarsjúkdóma og undirbúa fyrirlestur um gigt og íhlutun iðjuþjálfa. Það gekk svona lalalallala en amk er ég komin af stað!!!!!

flutningur

Langt síðan síðast..... helst í fréttum er að það er búið að flytja sumarhúsið okkar úr Munaðarnesi vestur á Skiphyl og heitir nú formlega Nátthagi. Flutningurinn gekk vel enda miklir fagmenn sem tóku það að sér.


Búið að hífa húsið af grunninum



Húsið komið á pallin og tilbúið að leggja af stað....... en það þurfti að bíða í klukkutíma eftir löggunni sem villtist!!!! fór í Svignaskarð í staðinn fyrir Munaðarnes. Kannski ekki beint traustvekjandi að hún skyldi fara á rangan stað.



Jarðvegurinn í Nátthaga var ekki alveg orðin nógu vel frostinn svo bílarnir festu sig smávegis. Pabbi og Sigfús redduðu því snyrtilega með 2 fjórhjóladrifnum traktorum. Gestur sagði það hefði verið snilld að sjá þá tvo draga vörubílinn með húsinu á, traktorarnir hefðu virkað frekar ræfilslegir fyrir framan.



Húsið komið á sinn stað.

Nú er BARA eftir að fá rafmagn, vatn og frárennsli. Það er nú ekkert svo mikið ha??? Áætlaður kostnaður fyrir rafmagnið frá RARIK eru 850.000.- gjafverð hehehhe eða þannig. Jú svo er líka eftir að festa húsið á grunnin sem er jú frekar mikilvægt að gera fljótlega áður en skellur á með miklu vetrar veðri.
En að öðrum málum, þá gengur lífið sinn vanagang. Unnur Lilja alltaf jafn ánægð í leikskólanum. Síðasta vika hjá okkur fór í pestarstúss og barnið heima alla vikuna. Hún var orðin afskaplega mikið leið á þessum foreldrum og mikil gleði þegar við fórum að Skiphyl sl. föstudag.

Unnur Lilja orðin 2ja ára

þá er heimasætan orðin 2ja ára!!!!!! merkilegt hvað tíminn líður hratt. Þessi elska hefur afskaplega ákveðnar skoðanir á hlutunum og er mjög sjálfstæð. Í flestum tilvikum er nú samt hægt að tala hana til en ekki er hægt að beita mútum. Við héldum hérna ljómandi fínt afmælisboð fyrir hana síðasta laugardag.
Sunnudaginn sl ætluðum við Gestur til Barcelona í 5 daga en vegna óstöðugs gengis þá ákváðum við að hætta við ferðina út og fórum í staðinn í sumarbústað í Brekkuskógi. Byrjar bæði á B, næstum því eins ha? en alla vega þá fórum við á sunnudagskvöld og komum heim seinnipartinn í dag þriðjudag. Unnur Lilja var heima með ömmu Dóru og skemmtu þær sér konunglega. Við höfðum það huggulegt, Gestur vann og vann og ég gerði ekki neitt nema sofa, sauma bútasaum og horfa á Grey´s Anatomy :) voða næs hjá mér. Náði nú að trufla vinnuna aðeins hjá honum og fá hann til að setjast í heitapottinn með mér og slappa af. Þetta er í fyrsta skiptið síðan við Gestur fórum að búa sem við förum tvö ein í sumarbústað, kominn tími til.

fréttir

Nú er búið að steypa á Nátthaganum fína og góða og líka slá frá veggjunum. Ég komst að því í þeirri vinnu að ég gæti orðið handlangari hjá smið. En hjálpi mér hamingjan hvað mig langar ekki til þess að vinna þessa vinnu dags daglega. Það að slá upp var fínt en omg hvað það var leiðinlegt að slá frá og steypu- og naglhreinsa úfffffffffff var mikið glöð þegar því var lokið. Nú er næsta verkefni að leggja drenlögn meðfram húsinu áður en keyrð verður möl að veggjunum sem er verkefni næstu helgar auk rétta :) Um síðustu helgi vorum við Gestur í Munaðarnesi í okkar margumrædda húsi, svona rétt til að venja það við okkur heheeh og já líka til að losa upp palla og rífa niður skjólveggi fyrir flutning. Alltaf nóg að gera ..... Unnur Lilja fór í sína fyrstu helgarpössun á Skiphyl sem gekk alveg hreint ljómandi vel. Henni var nokk sama um okkur þegar við komum að sækja hana á sunnudaginn og vildi bara vera áfram með Kristjönu. Mjög sjálfstæður og ákveðin einstaklingur!!!!! hvaðan skyldi hún nú hafa það???? mar spyr sig.
Framundan er fullt af skemmtilegu s.s. réttir, flutningur á húsi, Barcelona, iðjuþjálfanemi að koma til mín í GÍ, afmæli hjá Unni Lilju, og síðan koma fljótlega jól.
Síðan bætist alltaf við börnin í veröldinni þó svo að ljósmæður séu að berjast fyrir leiðréttingu launa sinna og fara í verkfall, áfram ljósmæður. Sandra Rún búin að eiga stúlku, Bergþóra tvo stráka og Guðný strák og styttist í að Svandís Rún eigi.

smá uppdeit

Nú er búið að grafa þessa fínu holu á Nátthaga til að hægt sé að útbúa undirstöður fyrir sumarhúsið okkar og vonast ég til að slíkt verði hægt um helgina. Annars gengur lífið sinn vanagang, Unnur Lilja byrjar í leikskóla á föstudaginn nk. Í gærkvöldi skutumst við að Hreðavatni og heimsóttum Elísu, Þórð og Snæbjörn og Ellu Elísumömmu. Voðahuggulegt að vera þarna þ.e. umhverfið er æðislegt en bústaðurinn orðinn dáldið þreyttur. Var svo að bóka flug til Barcelona fyrir okkur Gest í október..... huggó.

ýmislegt

Vinnuvikan langt komin og rétt byrjuð. Enda ekki nema 3 dagar. Erfið helgi að baki + erfiður mánudagur. Beta jörðuð í Akrakirkjugarði á mánudaginn sl. við hlið systkina sinna og foreldra.
17. júní eyddum við litla fjölskyldan í Grímsnesinu og næsta nágrenni. Fórum með Unni Lilju í dýragarðinn í Slakka. Unnur Lilja fór á kostum þar enda mjög vön dýrum, henni leist reyndar ekki neitt voða vel á grísi tvo sem gengu frjálsir um garðinn. Fannst ekkert mjög sniðugt að þeir væru að elta hana :) okkur fannst það hins vegar spaugilegt. Fengum okkur síðan dýrindis humar á veitingahúsinu við Fjöruborðið á Stokkseyri. Ljúfur dagur. Það styttist síðan óðfluga í sumarfrí, mánuður eftir!!! mikið tilhlökkunarefni.....