saga útlaga

þá er sumarfríið á enda að þessu sinni og ég búin að vinna alveg heila 4 daga (sem er frekar erfitt sko). Síðasti vinnudagur var 10. júlí og þann dag var brunað í Munaðarnes þar sem fjölskylda Gests ákvað að dvelja þá helgina. Við fengum þvílíka bongóblíðu að það hálfa hefði verið nóg. Ljómandi leikvöllur var á svæðinu sem ungfrúin hafði mikið gaman af. Þaðan var farið í Nátthaga, Gestur þurfti að fara til Reykjavikur en við Unnur vorum þar að undirbúa næsta ferðalag sem var á Suðurlandið með mömmu og pabba. Á miðvikudegi var haldið af stað og dvöldum við fyrstu nóttina á Þingvöllum. Frá Þingvöllum var farið áfram suður á bóginn, Laugarvatnshellir skoðaður merkilegt að þar skuli hafa verið búið á síðustu öld. Áfram var haldið og keyrðum hverfishringinn framhjá Berjanesi, þar sem afi og amma Gests bjuggu. Þaðan fórum við í Vík í Mýrdal þar sem við vorum í 2 nætur. Skoðuðum það fjöruna, dáðumst af þeim sem keyrðu upp á fjallið fyrir ofan Vík, án efa dásamlegt útsýni en ég er ekki viss um að ég hefði komist heil upp og hvað þá niður aftur og þó amk hefði ég getað labbað niður. Fórum inn í Þakgil og þangað langar mig aftur og þá með tjaldvagninn með og dveljast þar í nokkra dag. Hrikalega fallegt þar. Komum við á Akri en þangað hef ég aldrei komið, gott að heimasækja þau hjón Önnu og Árna. Ætluðum síðan upp Landsveit og niður Þjórsárdal, lögðum afstað upp Landsveitina en lentum í þvílíku úrhelli, þrumum og eldingum svo við snérum við, fórum að Flúðum og þaðan niður á Eyrarbakka. Krúttulegt tjaldstæðið þar. Síðan aftur brunað í sveitina nema Gestur sem fór að vinna í Reykjavík. Næsta ferðalag var með Capteinsgenginu um mela og móa, fjörur og fjöll. Ég tók kellingarhátt á þetta og fór bara 5 af 8 dögum. 5 góðir dagar. Fallegar fjörurnar og þá sérstaklega við gullinn sandur við Gaul. Restina af fríinu dvöldum við í Nátthaga, fórum í afleggjarapartý og síðan í stórglæsilegt 50 ára afmæli hjá Steinku að Sveitasetri hennar í landi Skiphyls. Gott frí en eins og venjulega var ekki hægt að gera allt sem var á dagskránni :) sem þá bíður betri tíma.

kvefpest

Enn ein helgin að baki. Smelltum okkur aðeins í sveitaferð um síðustu helgi, múttan þurfti aðeins að komast í meiri sauðburð, svoddan sauður. Unnur Lilja varð reyndar að vera að mestu innandyra vegna pestargemsavesens. Litla ljósið er búið að vera með kvef síðan á mánudag í síðustu viku. Fékk síðan sýkingu í augun sem herjað var á með augndropum með góðum árangri að við héldum. Í gærkvöldi fór sýkingin aftur af stað, þannig að annað augað límdist aftur vegna graftrar jakkkedí jakkkk. Taugaveikluðu fyrstabarns foreldrarnir ákváðu að barnið yrði að fara til læknis. Gestur fór með hana í dag til læknis, þá er hún komin aftur með bullandi sýkingu í augun og bullandi eyrnabólgu. Þessi elska er líka illa geðvond að geta ekki sofið almennilega vegna eyrnaverkja og hósta. Vaknar á ca klukkutímafresti yfir nóttina argandi og svo er komin dagur um hálf sex!!!! þá er sko nótt hjá múttunni!!!!!! Mér tókst að fá smá afleggjara af þessu pestarstússi hennar en er búin að hrista það af mér. Gestur og Unnur Lilja sóttu hestana okkar í Fjárborg og slepptu í sumarhagann á Skiphyl síðasta sunnudag. Mikil var gleði þeirra þegar þeim var sleppt, skvettu sér og hlupu eins og bavíanar um víðan völl.
Framundan er margt skemmtilegt, sýnist á öllu að næstu 5 helgar séu planaðar. Mar fær nú bara nettan skipulagshroll við tilhugsunina. Næstu helgi ætlum við að vera í Sommerhallen í Grímsnesinu, 3 júní er ferming, 9 júní er óvissuferð GÍ, 10. júní er fjórhjólaferð, 16. júní er kvennahlaup, sleppitúr og útskriftarveisla hjá Bylgju hjúkku, 23. og 24. júní er ættarmót. Eftir þessa runu er nú bara næstum því komið að sumarfríi. Erum ekki búin að skipuleggja það, ennþá amk.

summary

Við Unnur Lilja fórum að Skiphyl um helgina og skyldum Gest eftir heima. Greyið átti að fara í próf á laugardag sem hann síðan komst ekki í vegna slæmrar augnheilsu. Hann er búin að vera að berjast við ótal sár á hornhimu beggja augna + sýkingu í öðru auga svo ekki var próflestur gáfulegur kostur í þeirri stöðu. Hann átti því bara "náðuga" helgi án kvenna sinna.
Á Skiphyl var hins vegar líf og fjör eins og gjarnan er. Sirrý og Steina Bára frænkur okkar komu með barnaskara í sveitaferð, eins og gefur að skilja var spennan mikil hjá börnunum, svo komu Gummi Baddi og Fannar líka. 10 stk börn á aldrinum 7 mánaða til 13 ára. Veit ekki betur en að allir hafi skemmt sér konunglega um helgina. Brjálað að gera hjá Mirru litlu, hún var ekki alveg viss í hvern af fjórum fótum væri nú best að stíga í og á hvern að hlusta, gleymdi stundum að hlusta á mömmu sína :) svona eins og börnum hættir til. Hún var svo þreytt eftir helgina að hún svaf nánast allan mánudaginn.
Unnur er búin að vera hálfstúrinn það sem af er þessari viku, með hitavellu og nefrennsli. Þar kom að því, hún hefur ekki orðið veik síðan hún var tveggja vikna. Æfing fyrir foreldra hennar áður en hún fer til dagmömmunar í haust. Við ætluðum að fara í sommerhallen í Grímsnesinu í kvöld og vera þar á morgun, koma heim annað kvöld. Hættum við útaf þessum slappleika. Stefnum að Skiphylsferð um helgina, ef heilsufar okkar mæðgna leyfir. Held að ég sé að fá einhverja pest líka. Ætlum að fara með hestana okkar vestur og sleppa þeim í stóðið.
5 ára afmælið að baki, ljómandi fínn dagur það. Ansi margir í ættinni sem eiga afmæli í maí enda besti mánuður ársins :)

fyrsta vinnuvikan að baki

Fyrsta vinnuvikan búin og gekk svona líka fint, verð reyndar að viðurkenna að heilabúið er hálf ryðgað í iðjuþjálfafræðum og pappírsvinnu. Kemur hægt og rólega til baka :) engin asi á bænum hehe svosem í lagi á meðan ég klúðra engu alvarlega. Veit ekki betur en að allir þjónustuþegar mínir frá síðustu viku séu á lífi og með hendurnar svo þetta hlýtur allt að vera ok. Frekar dösuð og utan við mig þegar ég kem heim eftir vinnudaginn. Mér finnst voða ágætt að vera komin aftur í rútínuna. Fröken Unnur Lilja er ljúf og góð við pabba sinn á daginn, hefur aldrei sofið eins góða og langa daglúra og í síðustu viku, sem er bara frábært. Hún er hins vegar mjög kröfuhörð á móður sína þegar hún kemur heim úr vinnunni og setur pabbann nánast á ignore :) ég má eiginlega ekki fara úr augnsýn!!!! miklar breytingar fyrir litla stelpu. Æðislegt að Gestur geti verið heima með henni í stað þess að fara til dagmömmu fyrr en í haust, ekki allir svona heppnir.
Sviðaveislan að baki og heppnaðist ljómandi vel, færri mættu heldur en búist var við þetta árið. Ekki við öllu séð. Svo núna þarf ekki að elda svið á þessum bænum fyrr en eftir ár, sem er alveg ljómandi gott!!!!
Smelltum okkur í hesthúsið áðan, Unnur fór sæl og glöð á meðan í pössun til Möggu og co. Gerðum tilraun til að teyma Bakkus á hesti, sem gekk ekki mjög vel, greinilega ekki vanur því að vera teymdur nema af fótgangandi einstaklingi. Gerum aðra tilraun næst þegar við förum uppeftir. Strák fannst hann nú bara heimskur að teymast ekki með og að HANN þyrfti alltaf að vera að stoppa svo hægt væri að tosa Bakkus af stað, gjörsamlega fyrir neðan hans virðingu. Sjálfsagt einfaldara að binda hann utan á annan hest og prófa þannig. Gestur fór svo með Bakkus og Geysi í hringgerðisæfingar á meðan við Strákur fórum nettan skokkhring, þ.e. Strákur hljóp og ég sat :) ljómandi gott að komast aðeins út og fá hreint loft í lungun. Erum að velta fyrir okkur hvort eitthvað sé hægt að liðka Bakkus með hringgerðisæfingum því hann er svo hrikalega stífur í baki og hálsi. Væri kannski best að læra bara hestanudd og vita hvort hægt væri að losa eitthvað um þannig.

Ferming

Ein mynd af ungfrú Unni Lilju í fermingarveislunni í gær, voðalega fín og sæt (týpiskt mömmumont)

Jæja þá er búið að ferma Ölmu Dóru pæju og æðislega fín veisla á eftir. Stelpuskottið (veit nú ekki hvort hún samþykkir að vera kölluð stelpukott hehehehe) fékk fullt af fínum gjöfum og er hún ennþá að átta sig á stöðu mála. Við fórum svo í annan í fermingu í dag til að skoða gullin og fá okkur gómsæta afganga (í tilefni af bleiku þema veislunnar fannst mér viðeigandi að setja inn færsluna í bleiku, er nebbbblilega svo mikið fyrir bleikt!!!!) . Smelltum okkur síðan í hesthúsið, fór reyndar ekki á bak þar sem ungfrúin var orðin svo stúrin þegar pabbinn og Geysir voru búnir í tamingargönguferðinni að við fórum heim. Svo sem ágætt að fara ekki á hestbak í dag þar sem ég er ennþá frekar lurkum laminn eftir útreiðartúrinn á miðvikudag. Smá ævintýri. Dreif mig á barnahest sem við fengum lánaðan og ég þekki ágætlega, ætlaði svona aðeins að liðka hann áður en Línhildur og Bergrún fengju að fara á bak. Nema hvað dýrið ákveður að nú sé nóg komið af þessari vitleysu að fara út að skokka í veðurblíðunni og hendir mér af baki. Ég fór þennan fína kollhnís fram yfir hann og lenti á bakinu og hausnum, get ekki sagt að það hafi verið neitt sérstaklega gott. Mestur var samt sársaukinn í STOLTINU!!!!!! sem betur fer voru engin vitni.

sund, sund, sund......

Fyrsti tíminn í ungbarnasundinu var í dag :) bara gaman. Unnur Lilja stóð sig eins og hetja að sjálfsögðu, (þarf nú ekki einu sinni að taka það fram) buslaði eins og henni væri borgað fyrir það og ekkert mál þótt það gusaðist framan í hana. Verður án efa mikill gusugangur næst þegar ég baða hana :) undanfarandi skipti hafa nefnilega verið þannig að ég hef þurft að þurrka polla af gólfi og borði á baðherberginu + skipta um bol. Kröftug stelpa. Mæja og Máni eru í tímanum á eftir okkur :( væri skemmtilegt að hafa þau í hópnum með okkur. Eitt sem kom mér á óvart í dag varðandi hver getur lært að verða ungbarnasundkennari. Að sjálfsögðu geta sundkennarar farið í þetta nám það segir sig nú nokkuð sjálft ekki satt?? Sjúkraþjálfarar og þroskaþjálfar geta líka farið á námskeið og lært þetta en þurfa eftir því sem mér skilst meira nám en sundkennari, líka nokkuð sjálfgefið. Það sem kom mér á óvart er afhverju þroskaþjálfi en ekki iðjuþjálfi???
Það styttist óðfluga í að Gestur fái nýjan tölustaf í aldurstöluna sína, tæp vika og þar með er hann enn á ný miklu, miklu, miklu eldri en ég, það segir sig nú sjálft þar sem hann er nú tveimur og hálfum mánuði eldri en ég :)
Hestastússið komið í gírinn, Geysir litli í ströngu æfingarprógrammi hjá Gesti :) sem felst aðallega í að gera hann ljúfann og þægilegann í umgengni. Það lofar góðu og hægt var að teyma Geysi nokkra hringi í gerðinu án vandkvæða í vikunni á meðan lenti húsfrúin í hrossakjafti í orðsins fyllstu merkingu, déskolli var það vont mar. Ég var að teyma Strák framhjá einhverjum hestabjána og inn í stíuna sem Strákur og Geysir búa í, nema hvað haldiði ekki að helv.... hrossið hafi fundið hjá sér gífurlega þörf fyrir að bíta Strák sem heppnaðist nú ekki betur en það að hnefinn á mér lenti allur upp í hrossinu en Strákur slapp. Ég græddi þetta fína mar á handarbak og fíngur sem orsakaði gífurlega mikla reiði og geðstirðleika. Þurfti meira að segja, að segja ljótt, eins og maðurinn sagði forðum daga. Trúlega hefur nú Strákur verið búin að vinna sér inn að vera bitinn þar sem hann er þvílíkur harðstjóri í gerðinnu hummmmmmmm lykilorðið er trúlega, aldrei viðurkenna neitt neikvætt um dýrin sín :) :) Nú bíð ég bara spennt eftir að Strákur verði járnaður og ég geti farið að komast á bak reglulega.

En já þá á smá tuði....... hvað er eiginlega að ?????? ég er svo yfirmig hissa á þessari klámráðstefnuumræðu í þjóðfélaginu þessa dagana. Á meðan fólk tekur þátt í þessu klámdóti af fúsum og frjálsum vilja, who cares?????? Amk gæti mér ekki verið meira sama mar. Nú verð ég örugglega dæmdur klámhundur hummmmmm. Kannski verður hótelstefnan sú að þegar maður pantar sér gistingu þá verður mar í leiðinni að gefa starfsheiti og hótelið hefur þá úrskurðunarvald hvort mar fái náðarsamlegast að gista eður ei. Eins gott þá að lenda ekki í tékki hjá hótelsstarfsmanni sem er á móti iðjuþjálfum. Ég er svo aldeilis hissa.......