erum flutt í nýtt sveitafélag

þá erum við nú flutt :) Erum í skemmtilegu verkefni við að koma okkur fyrir í nýju húsnæði. Kössunum fækkar hægt og rólega, amk bætist ekki við þá!!!!!! Við fengum búslóðarflutningavana menn til að bera okkar hafurtask úr úr Engihjallanum og inn í Fljótaselið. Þvílíka snilldin sem slíkt er..... Þeir voru í 4 tíma að skúbba þessu á milli íbúða + 2 tímar í bið á meðan beðið var eftir að fyrri íbúar Fljótaselsins kláruðu sinn frágang. Vorum með Engihjallan tilbúin til afhendingar á réttum tíma en þeim seinkaði um ca 2 tíma sem keyptu af okkur. Þetta flutningastúss fer afskaplega illa í Unni Lilju. Hún er extra grátgjörn og harðneitar að fara að sofa. Held samt að hún sé heldur að hressast, er þokkalega kát þegar hún kemur heim frá dagmömmunni. Toppurinn er þegar amma Dóra kemur í heimsókn eða Línhildur og Bergrún, þá er hægt að brosa út í annað og leika við þær. Foreldrarnir eru eiginlega á ignore. Vinnan gengur sinn vanagang. Ég er búin að koma mér í smá verkefni sem krefjast talsverðs undirbúnings. Samþykkti að vera með fræðsluerindi á námskeiðum fyrir fólk með hrygggigt annars vegar og iktsýki hinsvegar. Hef 2svar verið með fræðsluerindi um aðlögun að breyttum aðstæðum fyrir fólk með vefjagigt svo þarna er aðeins verið að bæta við. Alltaf þegar ég er búin að segja já, hugsa ég hvern fjár...... var ég nú að koma mér í!!!!!!!!!!! en það er nú ekki allt sem ég er búin að koma mér í, get ekki sagt meir um það í bili..........

í fréttum er þetta helst

Við Gestur gerðumst ansi menningarleg í síðustu viku og fórum á tónleikana með Andrea Bocelli í Egilshöll. Tónleikarnir voru æðislegir í einu orði sagt, gæsahúð og alles birtist þegar kappinn söng "time to say good bye" ó mæ gúdddnesss hvað það var yfirgengilega flott. Væri alveg til í að fara á tónleika hjá honum á Ítalíu. Eina vesenið var að koma sér á staðinn og heim aftur. Tók 45 mín að keyra úr Engihjallanum að Egilshöll og ca 60 mín aftur heim eftir tónleikana. Undarlegt hvað svona viðburðir þurfa að vera dýrir, við vorum svo nísk að keyptum okkur bara í c svæðið. Þar kostaði stk tæpar 13 þús...... já Íslendingar að græða á Íslendingum.
Við Unnur Lilja fórum svo með pabba/afa í sveitina á föstudag, afskaplega ljúft. Gestur var svo heppinn að honum var boðið á tónleika með Baggalút í Salnum í Kópavogi. Hann hefur lítið rætt annað en hve þetta var frábært. Baggalútur er náttúrulega bara snilld. Gestur kom svo vestur á laugardagskvöld. Unnur Lilja dýrasjúka var alveg í essinu sínu í sveitinni, ræddi málin heilmikið við Mirru sem að sjálfsögðu hlustaði af mikilli athygli. Þær eru nú jafnaldrar svo þær hljóta að skilja hvor aðra mjög vel. Að sjálfsögðu fór Unnur Lilja í fjósið, stóð nú ekki alveg á sama þegar hún sá allar þessar stóru kusur. Það leið nú fljótt hjá og mesta sportið var að fá að pota aðeins í þær og sjá hvort þær hreyfðu sig. Fór aðeins á bak á eina en leist nú ekki alveg á það!!!! Ekkert smeyk við gibburnar. Væri örugglega ekkert mál að gera hana að ekta sveitakerlu.
Annars er fátt merkilegt að gerast hjá okkur. Ég var að koma heim frá því að halda fyrirlestur um "aðlögun að breyttum aðstæðum" fyrir hóp vefjargigtarkvenna á fræðslunámskeiði hjá GÍ. Læt hafa mig út í svona verkefni ca x2 á ári. Dauðfegin að þetta er að baki í ár!!! En jæja best að reyna að svæfa Unni Lilju, hún nebbblilega vaknaði þegar ég kom heim.
Góða nóttina

fyrsta vinnuvikan að baki

Fyrsta vinnuvikan búin og gekk svona líka fint, verð reyndar að viðurkenna að heilabúið er hálf ryðgað í iðjuþjálfafræðum og pappírsvinnu. Kemur hægt og rólega til baka :) engin asi á bænum hehe svosem í lagi á meðan ég klúðra engu alvarlega. Veit ekki betur en að allir þjónustuþegar mínir frá síðustu viku séu á lífi og með hendurnar svo þetta hlýtur allt að vera ok. Frekar dösuð og utan við mig þegar ég kem heim eftir vinnudaginn. Mér finnst voða ágætt að vera komin aftur í rútínuna. Fröken Unnur Lilja er ljúf og góð við pabba sinn á daginn, hefur aldrei sofið eins góða og langa daglúra og í síðustu viku, sem er bara frábært. Hún er hins vegar mjög kröfuhörð á móður sína þegar hún kemur heim úr vinnunni og setur pabbann nánast á ignore :) ég má eiginlega ekki fara úr augnsýn!!!! miklar breytingar fyrir litla stelpu. Æðislegt að Gestur geti verið heima með henni í stað þess að fara til dagmömmu fyrr en í haust, ekki allir svona heppnir.
Sviðaveislan að baki og heppnaðist ljómandi vel, færri mættu heldur en búist var við þetta árið. Ekki við öllu séð. Svo núna þarf ekki að elda svið á þessum bænum fyrr en eftir ár, sem er alveg ljómandi gott!!!!
Smelltum okkur í hesthúsið áðan, Unnur fór sæl og glöð á meðan í pössun til Möggu og co. Gerðum tilraun til að teyma Bakkus á hesti, sem gekk ekki mjög vel, greinilega ekki vanur því að vera teymdur nema af fótgangandi einstaklingi. Gerum aðra tilraun næst þegar við förum uppeftir. Strák fannst hann nú bara heimskur að teymast ekki með og að HANN þyrfti alltaf að vera að stoppa svo hægt væri að tosa Bakkus af stað, gjörsamlega fyrir neðan hans virðingu. Sjálfsagt einfaldara að binda hann utan á annan hest og prófa þannig. Gestur fór svo með Bakkus og Geysi í hringgerðisæfingar á meðan við Strákur fórum nettan skokkhring, þ.e. Strákur hljóp og ég sat :) ljómandi gott að komast aðeins út og fá hreint loft í lungun. Erum að velta fyrir okkur hvort eitthvað sé hægt að liðka Bakkus með hringgerðisæfingum því hann er svo hrikalega stífur í baki og hálsi. Væri kannski best að læra bara hestanudd og vita hvort hægt væri að losa eitthvað um þannig.

sitt af hvoru tagi

jæja eins og áður hefur komið fram er myndaalbúmið komið í gang aftur eftir viðgerð. Ég er búin að bæta inn slatta af myndum.
Fór í vinnuna í dag til að skipuleggja fyrstu dagana í vinnunni og láta bóka fyrir mig skjólstæðinga, ó mæ ó mæ, þetta er orðið ansi raunverulegt. Hlakka samt sem áður til að fara að vinna aftur, fyrstu vikurnar verða jú eitthvað skrítnar á meðan mar er að búa til nýja rútínu í daglegu lífi. vow þetta hljómaði duldið iðjuþjálfalegt svei mér þá. Svo er líka farið að styttast í langþráða árlega sviðaveislu að hætti Gests........ get nú ekki sagt að ég sé mikill sviðaaðdáandi.. bý til einhvern góðan pottrétt fyrir þá sem eru á minni sviðalausu línu :) skemmtileg hefð sem hefur skapast síðustu ár.

Gestur var í dag að panta sér tíma hjá augnlækni sem er nú ekki í frásögur færandi, nema hvað fyrsti tími sem var laus var 28. ÁGÚST!!!!!! duldið langur biðtími ha. Ekki hafði þessi elska þolinmæði að bíða svona lengi, ég lái honum það ekki.