hann á afmæli í dag, hann á afmæli í dag

1 dagur 3ja mánaðar ársins runninn upp og á enda komin nánast líka. Ljómandi ágætur dagur enda á hann Gestur minn afmæli í dag sem og Helga Sif frænka. Gestur var með huggulegt afmælisboð fyrir fjölskyldu sína :) sem lukkaðist mjög vel. Fyrsta fjölskylduboðið í nýju húsi. Skondið er að Sara Margrét nýjasti fjölskyldu meðlimurinn í Drangakórnum var að fara í sína allra fyrstu heimsókn og að þegar Unnur Lilja var einmitt 2ja vikna eins og Sara Margrét er þá fór hún í sína fyrstu heimsókn og það var til þeirra í Drangakór. Tilviljun.
Annars er lítið að frétta, ég er búin að dunda mér við að berjast við magakveisu síðan á þriðjudaginn síðasta og tel ég að loksins sé ég komin með yfirhöndina í þeim slag og er öll að hressast. Hrikaleg pest, mæli aldeilis ekki með henni.
Held að það sé best að koma sér í bólið til hennar Unnar minnar og vera sprækur sem lækur á morgun og undirbúa þessi tvö fræðsluerindi fyrir þriðjudag og miðvikudag. Ekki byrjuð á þeim einu sinni, frestunarárátta á háu stigi eða hrein og klár LETI!!!!!

Orð eru álög

orð helgarinnar eru: a) orð eru álög, b) hugurinn er eins og óður apaköttur....... uppbyggilegt ekki satt????
Helgin var ósköp ljúf, vinnusprell á laugardagskvöld. Frú Sigríður Klingeberg var óvænt ánægja á því kvöldi. Fór í gegnum létta talnaspeki og gaf okkur hverri og einni nokkur hollráð og netta persónulýsingu. Snilldin ein!!!!! ekki meira um það hér. Eftir það fórum við í Nornabúðina á Vesturgötunni, borðuðum þar og fengu fínan fyrirlestur um galdra :) þarf endilega að fara í þá verslun aftur og grúska smá. Langaði ótrúlega til að kaupa Fýlupoka..... svona bara til að eiga í neyðartilvikum. Mar á sumsé að tuða og láta allt gossa í fýlupokann og hella síðan í salernið og sturta niður og öll fýla og leiðindi á bak og burt. Ekki svo að skilja að ég þurfi á slíku að halda, ég þessi ljúfa og glaða kona. Alltaf svo sérstaklega glöð á morgnana múhahahahahahhaha vitleysan stendur í mér svei mér þá. En já í alvöru talað þá er margt skemmtilegt til í Nornabúðinni. Á sunnudaginn fórum við afmæli til Halldórs Svan og að sjálfsögðu var þar margt gott að snæða. Alveg ljómandi. Þetta var því helgi tvö í veislustússi, ein helgi eftir í þessari lotu. Vill til að mar má alveg við því að bæta á sig einu grammi eða svo. Mikið er ég heppinn.
Á morgun er svo glerbræðslunámskeið. Mæja var svo yndisleg að bjóða mér á námskeiðið með iðjuþjálfunum á Reykjalundi.

afmæli

fín helgi að baki. Héldum upp á afmælið hennar Unnar Lilju á laugardaginn, buðum fjölskyldum okkar í kökuboð sem heppnaðist með ágætum. Unnur var hálf feimin þegar allir voru mættir, ekki vön að vera innan um svona marga og það allra síst heima hjá sér. Feimnin leið nú fljótt hjá og hún farin að leika sér. Fékk fullt af fínum gjöfum, takk takk allir. Hún valdi sér afmælisboðsdaginn til að fara að labba!!!! ójá hún er farin að ganga, fer hægt og rólega yfir amk ennþá. Átti nú ekki von á því að hún færi rólega þar sem hún er svoddan glanni. Við Gestur gáfum henni sparkbíl í afmælisgjöf sem er nú ekki í frásögur færandi. Eitt kvöldið var ungfrúin búin að príla upp í sætið á bílnum, stóð þar á höndum og fótum þannig að rassinn var efsti punktur. Mér stóð nú ekki alveg á sama þar sem bílinn var ekki alveg kyrr og ef hún hefði dottið a höfuðið þá hefði hún lent á glerhurð. En þetta reddaðist allt og við Jóhanna komnar með eðlilegan hjartslátt aftur :) Unnur Lilja er í því sem sagt þessa dagana að æfa sig að klifra upp á hluti og aðsjálfsögðu skiptir ekki máli hversu traustur hluturinn er. Sem betur fer drífur hún ekki ennþá ein upp í sófa eða uppá stóla, verður nú örugglega stutt þangað til. Gaman að fylgjast með henni brasa. Annars gengur lífið sinn vanagang hjá okkur. Aðlögun hjá dagmömmunni heldur áfram, Unnur Lilja grætur sárt þegar ég skil hana eftir á morgnana en það líður fljótt hjá og hún leikur sér glöð við krakkana. Í dag var fyrsti dagurinn sem hún var fram yfir hádegismat og lúr. Var gjörsamlega búin á því þegar pabbi hennar sótti hana kl 15 og því frekar stúrin hérna heima, þessi elska. Hún verður fljót að jafna sig.

En jæja best að hætta þessum skrifum og drífa sig út og hlusta á Helga Jónsson gigtarlækni tala um slitgigt.

Tíminn æðir afskaplega hratt áfram þessa dagana finnst mér, ekki nema ca einn og hálfur mánuður þar til ég fer að vinna aftur. Við erum trúlega búin að finna dagmömmu fyrir Unni Lilju, eigum að vísu eftir að fara og skoða aðstæður hjá henni. Hún hefur passað fyrir bróður Gests og hans kvinnu og þau láta mjög vel af henni. Búið að setja í calender að fara til hennar áður en ég fer að vinna. Gestur verður með Unni heima þar til í haust :) án efa verður mikið fjör hjá þeim. Gott að hafa þennan möguleika að hún verði heima og þurfi ekki að fara í pössun fyrr en í haust.
Gestur hélt fantafínt afmælisboð í síðustu viku og bauð samkvæmt venju fjölskyldum okkar í purusteik :) slefffff þvílíkt góður matur hjá honum... í dag vorum við síðan í afmæli hjá Fannari og annað kvöld förum við í kjötsúpu í tilefni afmælistengdapabba. Sú hefð hefur skapast síðan hann dó fyrir tæpum 4 árum að hittast á afmælisdaginn hans og eiga notalega stund. Fínt mál það. Síðan um næstu helgi á Bergrún afmæli og ef ég þekki Möggu rétt þá verður svaðaleg tertuveisla þá. Þá held ég að afmælisboðunum sé lokið í bili.
Við Gestur fórum í menningarreisu í Borgarnes á föstudagskvöldið síðasta. Smelltum okkur í Landnámssetrið og fengum okkur að eta og drekka þar og fórum síðan og sáum leikþáttinn Mýramanninn í flutningi Gísla Einars út og suður kappa. Í stuttu máli sagt var þetta hrein og klár snilld, ansi mörg gullkorn sem fuku og mýramaðurinn analyseraður í botn, allt frá göngulagi, hegðunarmynstri að háttalagi. Skil ekki alveg hvernig maðurinn hefur hugmyndaflug til að semja þetta og síðan halda andliti við flutninginn, hann þurfti nokkrum sinnum að stoppa/hægja á flutningi til að fólk næði að áttum eftir hlátursgusur. Annað er svo sem ekki fréttnæmt af litlu fjölskyldunni í hjallanum :)

over and át