Fór í innkaupaferð fyrir vinnuna í gær, hélt við myndum krókna stöllurnar við að hlaupa milli bíls og búða. Þvílíkur andskotans kuldi (veit það má ekki blóta, en er ekki orðin prestfrú enn svo þetta hlýtur að sleppa!!!). Við Folda ákváðum að skella okkur á Carpe diem í hádeginu og fá okkur heita súpu og salat. Alveg príma gott eins og það á að vera. Alltaf gott að koma til ættingjana þar og fá dekurþjónustu :) Heyriði það allir út að borða!!!!!!!!!

Við Gestur erum að fara á þorrablót í kvöld með ma, pa, Stjönu stuð, Helgu og Ásbirni. Það verður örugglega samkvæmt venju hellings stuð og mikið gaman. Hef ekki komist á þorrablót þarna í nokkur ár vegna heimskulegrar búsetu á Akureyri. Eins gott að það sé over í bili, samt oft verið að pæla í því að trúlega eigi ég eftir að búa þar í framtíðinni og vera þvílíkt hamingjusöm yfir því, je right but you never know.

Íbúðin sem við skoðuðum var æðisleg og helst vildi ég flytja strax í dag nú eða í gær. Held að þessi fína íbúð sem of dýr fyrir okkar greiðslugetu, því er nú ver og miður. En við höldum ótrauð áfram og grömsum á netinu í leit að hinu fullkomna húsnæði fyrir iðjubjálfan og tölvudengsa.

Góða helgi allir saman.