Fékk kvörtun um bloggleysi :) svo ég ætla að vera þessi ljúfa týpa og hlýða kvörtuninni med det samme. Það er helst að frétta hér á bæ að ég hef verið meira og minna í sveitinni síðustu viku og sé fram á áframhaldandi veru þar. Skrapp bara í Kópavoginn í kvöld til að fara til augnlæknis í fyrramálið og ætla svo seinnipartinn vestur aftur. Gestur situr sveittur og les siðfræði og eitthvað fleira skemmtilegt, prófin hans að hellast yfir. Á meðan hann les er ég að njóta sumarleyfisins, bara skemmtileg stelpugæs.

Annars hef ég verið að velta fyrir mér tilgangi lífsins og tilverunnar á meðan ég hef keyrt í hringi í heyskap. En hver er annars tilgangurinn með þessu lífi???? kemst svosem ekki að neinni einni niðurstöðu..... sú sem mér líst best á er að njóta lífsins á meðan maður lifir, vera hamingjusamur og hæfilega kærulaus.... hver er svo ykkar skoðun á þessu málefni???? kveikjan að þessari pælingu er að ég þarf fljótlega að finna mér nýja vinnu, þar sem ég er með starfssamning á Reykjalundi fram að áramótum sem þýðir að ég þarf amk að hugsa minn gang hvað ég vil. Eins og staðan er í dag þá vil ég helst komast aftur í vinnu geðsviði eða þá í heilsugæslu. Einhver skrattans púki á vinstri öxlinni hefur líka verið að pískra í eyrað á mér að leita að vinnu óskyldri iðjuþjálfun og þá bara til að fá hærri laun amk á meðan við erum að komast af stað með afborganir af íbúðinni. En er það þess virði???? sitt sýnist hverjum en NOTA BENE þetta eru bara pælingar ekki staðreynd sem orðin er ............. en allar þessar pælingar hafa opnað á tilgangin... nóg af háfleygum pælingum í bili.

Það var kíkt í tarotspil fyrir mig um helgina og vá hvað ég fékk sterka ábendingu um að ég væri að fara i ferðalag, og nú langar Guðbjörgu óþolinmóðu að vita hvert hún er að fara og hvenær hehehehehe er þetta ekki líkt mér????? nema auðvitað þetta sé fyrir sumarbústaðaferðinni norður í land í haust, gæti verið. Ég er að vonast eftir helgarferð til útlanda í haust, væri geggjað að skreppa til Danskemark í lok nóv eða til Dublin eða til Edinborgar eða eða eða eða eða

læt þetta gott vera af bulli í bili og kveð ykkur með sól í sinni og gleði hjarta og bið ykkur vel að lifa næstu daga

knús